بستغرب جدًا من الناس اللي بتتعجب من حدوث سوء تفاهم في التواصل مع غيرها في حين أن حياتنا كلها عبارة عن سوء تفاهم كبير. اللغة اللي احنا بنستخدمها في أبسط صورها علشان ننقل أفكارنا ومشاعرنا معقدة بشكل يتعدى إدراكنا أصلاً. يعني احنا معتقدين أن لو استخدمنا كلمة معينة والكلمة دي ليها معنى وإشارات ومدلولات معينة … More في البدء كان الكلمة

هنبتدي الموضوع النهاردة بحدوتة.. يُقال إن في القرن ال11 أو ال13 (مش مشكلتنا دلوقتي) كان بيحكم مدينة كوفنتري بإنجلترا لورد ظالم اسمه ليوفرك وكان كل يوم عن التاني بيزود الضرايب على أهل المدينة الغلابة. بس مرات اللورد كانت ليدي طيبة وبنت حلال اسمها جودايفا Lady Godiva وطبعًا مكانش عاجبها الوضع وقعدت تقول لجوزها يخفض الضرايب … More جودايفا ومتعة التلصص

كان ياما كان.. كان فيه زمان في بلاد الإغريق راجل مهندس وحرفي إيده تتلف في حرير اسمه ديدالوس Daedalus. ديدالوس ده بناءً على أوامر من ملك كريت بنى متاهة معقدة جدًا اللي يدخل منها مايعرفش يخرج أبدًا. ملك كريت خلى ديدالوس يبني المتاهة دي علشان يحبس فيها وحش اسمه المينوتور… المهم يعني ديدالوس والملك وقعوا … More إيكاروس والوسط الذهبي

أصدقاء البرنامج من ال hardcore gamers أكيد عارفين لعبة Battlefield. فيه مهمة في إصدار اللعبة الرابع – تحديدًا اسمها Operation Locker – بتقع في سجن شديد الحراسة في الصين. السجن ده مبني على طريقة البانوبتيكون Panopticon اللي صممها المفكر الإنجليزي جيريمي بنثام Jeremy Bentham في القرن الثامن عشر. بنثام جيه في يوم وقال إيه رأيكم … More البانوبتيكون والمراقبة

تخيلوا معايا الموقف ده: دلوقتي أنت واقف بتتشمس عند تحويلة قطر وشوفت عربية قطر جاية من بعيد (السواق بتاعها نايم أو أغمن عليه)، وعلى نفس خط سيرها بس من الناحية التانية فيه 5 عمال واقفين على القضبان ومش واخدين بالهم من عربية القطر، طبعًا صوتك مش هيوصلهم ولا هتلحق تجري تنبههم.. لكن بتلاحظ إن عصاية … More المسئولية الأخلاقية ومعضلة القطار

النهاردة هنتكلم عن كهف أفلاطون أو Plato’s Allegory of the Cave، في كتابه “الجمهورية” أفلاطون بيدعونا لتخيل سيناريو ظريف وعجيب جدًا: تخيلوا إن فيه كهف والكهف ده مسجون فيه ناس من زمان لدرجة إنهم ما يعرفوش غيره، المساجين مقيدين بحيث ما يقدروش يشوفوا غير حيطة واحدة من الكهف. المساجين دول وراهم نار وبين النار والمساجين … More كهف أفلاطون

تنويه: موضوع النهاردة هيخلي إيلون مَسك يزغرد سنة 2003 فيلسوف سويدي اسمه نيك بوستروم Nick Bostrom نشر نظرية تسمى بنظرية المحاكاة. واضح من اسمها إن النظرية دي بتستنتج إن فيه احتمالية كبيرة إننا نكون عايشين في محاكاة من صنع كمبيوتر متطور وقال إن فيه 3 احتمالات ملهمش رابع: 1- إن إحنا كجنس بشري هننقرض قبل … More الإنسان والمحاكاة

فاكرين تاي؟ التويتر بوت اللي عملتها مايكروسوفت في 2016؟ اللي مش فاكر.. مايكروسوفت طورت twitter bot (البوت ده برنامج قائم على الذكاء الاصطناعي وبيتعلم من خلال محاكاة سلوك ولغة البشر) وسمتها تاي وكان هدفها التطور من خلال التفاعل مع مستخدمي تويتر. كلام جميل؟ لأ مش جميل…. اللي حصل إن تاي بقت عاملة زي الطفل الصغير … More الإنسان وما بعد الإنسانية

موضوع النهاردة هيكون غريب شوية وده لإننا هنتكلم عن المفكر السلوفيني سلافوي جيجك Slavoj Žižek وهو مفيش أغرب منه الصراحة. طبعًا من المستحيل حصر أفكار جيجك في ثريد واحد لأنه بيتكلم في كل حاجة تقريبًا.. فلسفة، اقتصاد، فن، رياضة، سياسة (ملناش دعوة يا موهيي)، بس أنا قولت نركز على نظرية من نظرياته اللي مرتبطة بشكل … More جيجك والشغف بالواقع

تنويه: البوست بتاع النهاردة محتاج كوباية شاي\قهوة\نسكافيه ومزاج رايق علشان محتاج مخمخة. لو سألت أي مواطن في أي بلد في الدنيا عن الأخت الفاضلة كيم كارداشيان أو وريته صورة من صورها فيه احتمال مش قليل إنه يكون عارفها. ولو سألته طيب تعرف إيه عنها غالبًا هنسمع إجابات زي “حاجات كبيرة” “مُزة” “غنية جدًا” “حاجات كبيرة” … More بودريار والسميُلاكرم