لوحات جويا السوداء

اللوحات السوداء هي مجموعة من اللوحات اللي رسمها الفنان الأسباني فرانشيسكو جويا Francisco Goya في أواخر حياته لما أبتدت أعراض المرض النفسي ونوبات الهلع تظهر عليه وأعتزل الناس. اللوحات بتتميز بتيماتها المقبضة وتفاصيلها المرعبة، ودي مختارات منها…

Saturn Devouring His Son

Saturn Devouring His Son, Goya

ودي اللي اتكلمت عليها في البوست اللي فات.

.

Two Old Men

Two Old Men, Goya

ودي بيظهر فيها رجل عجوز شكله حكيم وجنبه راجل تاني شكله حيواني شيطاني شوية بيهمس في ودنه، قد يكون الراجل العجوز ده جويا نفسه والشيطان ده هو الأصوات اللي في دماغه (جويا كان بيعاني من الصمم كمان في سنواته الأخيرة).

.

Two Women Laughing

Two Women Laughing, Goya

واللوحة دي بتصور سيدتين (شكلهم غير مريح بالمرة) بيضحكوا وهما بيتفرجوا على راجل غالبًا في حالة نشوة لممارسته العادة السرية.

.

The Dog

The Dog, Goya

أكتر لوحة بحبها في المجموعة، وبتصور كلب مش باين منه غير رأسه وبقية جسمه مزنوق في أو متداري ورا تل. الكلب ما بيتحركش وشكله مستسلم بس رافع رأسه للأفق اللي فيه كيان غامق وغامض.

.

Two Old Men Eating Soup

Two Old Men Eating Soup, Goya

اللوحة بتصور رجلين عواجيز قاعدين على نفس الترابيزة بيشربوا شربة. في حين إن الراجل اللي على الشمال بيبتسم بشكل خبيث غير مفهوم، اللي على اليمين يبدو إنه ميت بقاله فترة ووجهه متآكل، وكأنه كان بياكل وجبته الأخيرة مع الموت (الراجل التاني؟)

أنا بقول كفاية كده علشان الناس تعرف تنام، وده رابط لمجموعة اللوحات السوداء كاملة للي حابب ينكد على نفسه.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s